Шомуродов "Женоа"га ўтиш тўғрисида: Тан оламан, кўз ёшлари бор эди

"Ростов" клубининг собиқ футболчиси Элдор Шомуродов мураббийи Валерий Карпиннинг "Женоа"га ўтишига муносабати ҳақида гапирди. "Sports.ru" сайти ушбу интервьюни тақдим этди.

- "Женоа"дан таклиф тушганида, Карпин нима деди?

- Мен дарҳол унга ўзимни Италияда синаб кўрмоқчилигимни айтдим. У: "Мен футболчи сифатида сени тушунаман, бироқ мураббий сифатида кетишингни истамайман, сен менга "Ростов"да кераксан", - деди. У менга агар раҳбарият трансферни маъқулласа, у аралашмаслигини ваъда қилди. Клуб менинг орзумни тушунгани учун улардан миннатдорман.

- Хайрлашаётганингиз тасвирланган видеода Карпин сизга "йиғламанг", - деди. Бундай қила олдингизми?

- Тан оламан, кўз ёшлари бор эди. Бир томондан, мен интилган нарсалар амалга ошаётганлигини ўйладим. Бошқа томондан, кетиш жуда ачинарли эди.

- Инстаграмда Карпин: "Ҳечқиси йўқ, қийшиқоёқ", деб ёзганига сизнинг муносабатингиз?

- Бу нормал ҳолат, ҳа-ҳа! Бу ҳазил эканлигини тушундим. Машғулотлар давомида у доимо ҳазил қилар эди. Карпин билан мен доим яхши муносабатда бўлганмиз. Агар Карпин бирор нарсани маслаҳат берса, уни тинглаш ва айтганини қилиш керак", - деди Шомуродов.