Шомуродов жамоадоши "Рома"нинг азалий рақибига ўтди

Испаниялик ҳужумчи Педро Родригес расман "Лацио" аъзосига айланди. Бу ҳақда римликлар матбуот хизмати хабар тарқатди. 

Педро Рим клубига текинга келиб қўшилди. Родригес "бўрилар"нинг янги мураббийи Жозе Моуриньо режаларига кирмаётган эди. Форвард янги клубида 9-рақамда ҳаракат қилади.

2020/21 йилги мавсумда Педро "А" Серияда 5та гол уриб, 2та голга ассистентлик қилганди. Қолаверса, Европа лигасида ҳам ўз номига битта гол ва 2та ассист ёздириб қўйган.