Шок: Ҳусановни ҳайдаш керак!

“Манчестер Сити” бош мураббийи Хосеп Гвардиола Англия лигаси кубогининг чорак финал учрашувида “Брентфорд”га қарши янгиланган таркибни майдонга туширди.

Шу тариқа, бир неча ўйинчилар қатори захирада қолиб кетаётган Абдуқодир Ҳусанов ҳам бошланғич таркибда майдонга тушиб, тўдиқ ўйнади. 16-дақиқада 21 ёшли легионеримиз жамоадоши Натан Акенинг хатосидан кейин юзага келган хавфли вазиятни бартараф этиш чоғида Кевин Шадега қўполлик ишлатди ва ўйин қоидасини бузиб, унинг дарвозабон билан бирга бир вазиятга чиқишига тўсқинлик қилди.

Ҳакам бу ҳолатда огоҳлантириш билан чекланди. Бу рақиб ўйинчиларнинг эътирозига сабаб бўлди. Вазият оммавий ахборот воситалари экспертлари томонидан алоҳида муҳокама қилинмоқда.

Зеро, учрашувдан кейин “Брентфорд” бош мураббийи Кит Эндрюс бу масалага ҳам тўхталиб ўтди.

- “Манчестер Сити”нинг марказий ҳимоячиси Абдуқодир Ҳусанов Англия лигаси кубоги чорак финалида “Брентфорд”га қарши ўйиннинг бошида қизил карточка олмасдан қолгани  у учун жуда омадли бўлди.

16-дақиқада ўзбек футболчиси катта тезликда жарима майдончасига кириб, дарвозабон билан яккама-якка чиқиб кетаётган ҳужумчи Кевин Шадени йиқитиб юборди, аммо ҳакам фақат сариқ карточка кўрсатиш билан чекланди.

“Брентфорд” футболчилари ҳакам Сэм Барроттни ўраб олиб, ўзбек футболчисини майдондан четлатишни сўрашди, бироқ ҳакамлар қарори қатъий қолди ва уни ўзгартиришмади.

“Бу жуда муҳим вазият эди. Мен одатда ҳакамларни ҳимоя қилишга тайёрман. Бош мураббий сифатида ишлаган фаолиятим давомида мени ҳеч нарсага ўргатишмаган, аммо менимча, бу сафар улар хатога йўл қўйишди. Тўп дарвозадан жуда узоқ эди, деган тушунтириш мени қониқтирмайди, - деди бош мураббий Кит Эндрюс.

“Манчестер Сити”нинг собиқ ҳимоячиси Энди Хинчклифф Sky Sports телеканалидаги чиқишида бу вазиятга қуйидагича изоҳ берди:

“ У дарвозабон билан яккама-якка чиқиб кетган эди, зарба бериш имконияти бор эди ва бу аниқ голли вазият эди. Мен “Брентфорд” нима учун норози эканини тушунаман. У дарвозабон билан яккама-якка қолган эди ва уни қоидабузарлик билан тўхтатишди. Уни ҳеч бир ҳимоячи бошқа йўл билан тўхтата олмасди”.

Ўйин қоидаларига кўра, Хусанов IFAB қоидалар тўпламининг 12-бандида кўрсатилганидек, “рақиб жамоани гол уриш ёки аниқ голли имкониятдан маҳрум қилгани” учун қизил карточкага лойиқ қоидабузарлик содир этган.

Одатда, бундай очиқ-ойдин ҳакамлик хатоси VAR тизими орқали кўриб чиқилади.

Бироқ Англия лигаси кубогида VAR тизими фақат ярим финал босқичидан, яъни кейинги раунддан бошлаб қўлланилади, чунки бу технология фақат Премьер-лига жамоалари стадионларида мавжуд.

Биринчи лигада (League One) иштирок этаётган “Кардифф Сити” ҳам Англия лигаси кубогида чорак финалгача етиб келгани учун VAR қўлланилмаслиги барча жамоалар учун тенг шароитни таъминлаш мақсадида сақлаб қолинган. Бироқ “Кардифф” бир кун аввал “Челси”га мағлуб бўлиб, мусобақани тарк этди.

Шу тариқа, VAR йўқлиги “Сити”га қўл келди ва ўйиннинг ҳал қилувчи палласида жамоа бир киши кам бўлиб қолишининг олдини олди. Кейин эса, “Манчестер Сити” ғалаба тўпларини киритди, - деб ёзди independent.co.uk эксперти Уилл Касл.

Таъкидлаш жоизки, учрашувнинг қолган вақти давомида Абдуқодир Ҳусанов майдонда энг фаол ва зўр ўйнаган футболчилардан бири бўлди.

Ҳусановнинг энг кучли тўрт жиҳати айтилди

Экспертлар қўпол ўйнаган Ҳусановнинг ҳаракатларини қандай баҳолади?

Ниҳоят, Ҳусановни майдонда кўрамиз!

Туркияни ларзага солаётган Шомуродов ҳақида янги қизиқ фактлар

Шомуродов гол урган гранд клуб “Барса”дан машҳур дарвозабонни оладиган бўлди

Шомуродов супергол билан “тахт”га қайтди!

Ўзбекистон улкан ҳурматга лойиқ! Португалия устози Мартинес яна нималар деди?

Бу хатодан кейин Гвардиола Ҳусановни асосий таркибга қайтариши шарт