Шоҳасан Мирзаматов янги промоушен билан шартнома имзолади. Унинг бу лигада исботлайдиган ишлари бор! (Видео)

Юртимизнинг машҳур ММА жангчиларидан бири Шоҳасан Мирзаматов(9-2) Қозоғистоннинг энг кучли промоушени NFC (Nayza Fighting Championship) билан янги шартнома имзолади.

Мирзаматов шу кунга қадар Қозоғистоннинг яна бир "Октагон" промоушенида ҳам анчагина муваффақиятли ҳаракат қилган. Сўнги жангларини эса MPL (Mutadiv_Professional_Liga) доирасида ўтказаётганди.

Яна шуни алоҳида таъкидлаб ўтиш жоизки, фаолиятининг бошларида айнан Nayza FC да ҳам Серик Тлеекев билан баҳс юритган ва ундан омад юз ўгирган эди. Шундай экан юртдошимизнинг ушбу промоушенда исботлайдиган ишлари бор. Зеро, яқин орада 77,1 кг вазнда қозоқ промоушенида янги чемпион пайдо бўлиши мумкин. Бу борада эса унга омад тилаймиз!