Шаҳрам Ғиёсовга тегишли бўлган WBA International камари вакант қилинди. Бу титул учун кимлар жанг қилиши ҳам маълум (фото)

Профессионал бокснинг супер енгил вазн тоифасида (63,5 кг) WBA International минтақавий чемпионлик камари ҳамюртимиз Шаҳрам Ғиёсовга тегишли эди. WBА ташкилоти сайти орқали маълум бўлишича, ушбу камар вакант қилинди. Энди бу титул учун испаниялик Сандор Мартин (39-2, 13КО) ва мексикалик Хосе Феликс (30-1-1, 24КО) ўзаро жанг ўтказади. Ушбу тўқнашув 1 апрель куни Испаниянинг Барселона шаҳрида бўлиб ўтади.

Эслатиб ўтамиз, Шаҳрам Ғиёсов WBA International камарига 2019 йилда Эммануэл Тейлорни очколар бўйича мағлуб этиб эга чиққан эди.