Сардор Рашидов: "Иккинчи уйимга қайтганимдан хурсандман"

Яқинда хабар берганимиздек, Сардор Рашидов “Пахтакор”ни тарк этиб, Қатарнинг “Умм Салал” клубига кўчиб ўтди.

Ҳамюртимиз Дохага етиб борган заҳоти янги жамоаси билан шартнома тузди. Маълум бўлишича, ўзаро битим бир йилга мўлжалланган.

Рашидовни “Умм Салал” клубига бош мураббий Весам Ризқ таклиф қилган. Қатарлик ушбу мутахассис бунгача ҳам Сардор Рашидов билан бирга фаолият олиб борган. Билсангиз керак, Рашидов бунгача Қатар чемпионатида “Ал-Жайиш” ҳамда “Қатар СК” клубларида ҳам муваффақиятли тўп сурган.

Рашидов “Умм Салал” аъзосига айлангач, ўзининг инстаграмдаги саҳифасига шундай ёзди: “Мен иккинчи уйимга қайтганимдан жуда хурсандман”.