Самвел Бабаян ОЧЛдаги баҳс олдидан мухлисларга мурожаат қилди

Суперлига 20-туридан ўрин олган "Навбаҳор" - "Турон" баҳси бўлиб ўтди ва унда мезбонлар йирик, 5:0 ҳисобида ғалаба қозонди. 

Учрашувданг сўнг “Навбаҳор” клуби бош мураббийи Самвел Бабаян матбуот анжуманида қатнашди ва ғалаба ҳақида ўз фикрларини билдирди.

“Бугун шунча ғалабасиз сериямиздан кейин ютмасликнинг иложи йўқ эди. Сўнгги ўйинларда чарчоқ ва бошқа сабабларга кўра чемпионатдаги рақибларимизга жуда кўп очколар совға қилиб юбордик. Шу боис, бугун ғалаба қозонишимиз шарт эди. Йигитларга ўйин учун раҳмат. Мухлисларга эса алоҳида раҳмат.

“Жамоамиз мухлисларига ОЧЛдаги баҳсда стадионга келиб бизни қўллаб-қувватлашларини сўрайман. Жамоага келганимда ОЧЛда иштирок этишимизни ният қилгандим. Мана, ниятимизга эришдик. Бизни қўллаб-қувватлашда давом этишади деб умид қиламан”, деди "лочинлар" устози.