“Сампдория” футболчиси ўн марта пичоқ урилган қизни ўлимдан қутқариб қолди

“Сампдория” клуби ярим ҳимоячиси Алессандро Беллемо Венеция шаҳрида польшалик турист қизни ўлимдан қутқариб қолди. Бу ҳақда Sport.es сайти маълумот берди.

Италиялик футболчи акасининг уйида овқатланаётган пайтда кўчада тўполон овозини эшитиб қолади. Йигитлар зудлик билан кўчага чиқади. Улар ўн жойидан пичоқ еган қизни кўриб, ёрдамга шошилади.

Алессандро акаси билан қизни уйга олиб келиб, тез тиббий ёрдам келгунича тепасида аҳволини назорат қилиб туради. Айни пайтда турист қизнинг аҳволи барқарор ва шифохонада даволанмоқда.

Италия полицияси жиноятда гумон қилинган йигитни қўлга олди. У руҳий касал экани ҳақида айтилмоқда.