Саблячи йигитларимиз Осиё чемпионатида бронза медалини қўлга киритишди

Индонезиянинг Бали шаҳрида ўтказилаётган қиличбозлик бўйича Осиё чемпионатида Ўзбекистон терма жамоаси яна бир медалга эришди. Бу гал саблячи йигитларимиз жамоавий дастурда шоҳсупага кўтарилдилар.

Дастлабки босқичда Макаони 45:15 мағлуб этган ҳамюртларимиз чорак финалда Хитойдан 45:43 ҳисобида устун келишди. Бироқ муросасиз кечган ярим финал жангида Японияга 44:45 ҳисобида имконият бой берилди.

Учинчи ўрин учун кечган беллашувда эса Гонконг 45:39 ҳисобида мағлуб этилди.