Россияликлар Ўзбекистонга қарши ўйнайдиган футболчилар номини эълон қилди

Россия футбол иттифоқи раҳбарияти мамлакат терма жамоаларининг ўйин амалиётини оширишда ўзбекистонлик футболчилар билан ўртоқлик учрашувларини ташкил этишга эътибор қаратаётгани кузатилмоқда.

Ўтган йили ноябрь ўйида Ўзбекистон миллий терма жамоаси ўз тарихида илк маротаба россиялик футболчиларга қарши ўртоқлик учрашувида майдонда тушди. Пойтахтимиз мезбонлик қилган беллашувда кучлар тенг келган ва дарвозалар дахлсизлиги сақланиб қолган.

Россия футбол иттифоқи сайти тарқатган хабарга кўра, Россия ёшлар терма жамоаси хорижий ўқув-машғулот йиғинини Ўзбекистонда ташкил қилади ва россиялик футболчилар Бухорода ўзбекистонлик тенгқурларига қарши иккита ўртоқлик учрашуви ўтказади.

- Иван Шабаров бош мураббийлигидаги Россия ёшлар терма жамоаси 2005 йилда туғилган футболчилардан таркиб топади. Бу жамоа ўқув-машғулот йиғинларини 2-12 сентябрь кунлари ўтайди.

Футболчилар Новогорскдаги базада йиғилади ва у ерда  5 сентябрга қадар машғулотлар ўтказади. Кейин терма жамоа Бухорога йўл олади. У ерда Ўзбекистон ёшлар терма жамоаси билан иккита ўртоқлик учрашувини ўтказади.

Бу баҳслар 8 ва 11 сентябрда “Бухоро Арена”да маҳаллий вақт билан Москва вақти билан 16:00 да бошланади.

Рақиб жамоа ҳам таркибни 2005 йилда туғилган футболчилардан шакллантиради, - дейилади Россия футбол иттифоқи хабарида.

Маълумотларга қараганда, мураббийлар штаби ёшлар терма жамоасига 23 нафар истеъдодли ўйинчини жалб қилган.

Бухорога келадиган таркиб қуйидагича кўриниш олди.

Дарвозабонлар:

Михаил Цулая («Ростов»), Тимофей Митров («Локомотив» Москва), Александр Дёгтев («Сочи»).

Ҳимоячилар:

Михаил Рядно, Вадим Чурилов (ЦСКА Москва), Евгений Лукиних («Локомотив» Москва), Никита Бозов («Спартак» Москва), Никита Лобов («Зенит» Санкт-Петербург), Герман Игнатов («Ростов»), Максим Балахонов («Динамо» Москва), Алан Агаев («Родина» Москва).

Ярим ҳимоячилар:

Михаил Шетинин, Алексей Батраков («Локомотив» Москва), Матвей Кисляк, Кирилл Глебов (ЦСКА Москва), Алексей Колтаков («Ростов»), Григорий Ловцов («Краснодар»), Константин Воинков («Зенит» Санкт-Петербург), Егор Смелов («Динамо» Москва), Илья Ишков («Урал» Екатеринбург), Денис Пушкарёв («Волгарь» Астрахань).

Ҳужумчилар:

Антон Шамонин («Ростов»), Лука Згурский (ЦСКА Москва).