Россияда Файзуллаевни эслаб қолишди...
- 13-сентябр 2025, 09:20
- Zohir Toshxo’jayev
- 0
- Футбол
Россияда ёзги трансферлар ойнаси расман ёпилди. Статистика экспертлари 2025 йилнинг ёзги трансферлар даврида амалга оширилган энг қиммат савдолар рейтингини тузиб чиқди.
Премьер-лига клублари орасида футболчисини энг қиммат нархга сотган клуб “Динамо” бўлди. Москваликлар Хорхе Карраскаль учун Бразилиянинг “Фламенго” клубидан 12,5 миллион евро олди.
Ўзбекистон миллий терма жамоаси ҳужумкор футболчиси Аббосбек Файзуллаевнинг трансфери бу кўрсаткич бўйича иккинчи ўринда қайд этилган. Туркиянинг “Истанбул Башакшеҳир” клуби ўзбек легионери учун ЦСКАга 7,5 миллион евро тўлади.
2023 йилнинг августида “Пахтакор”дан Россия Премьер-лигасига кўчиб ўтган Аббосбек Файзуллаев “армиячилар” учун 500 минг еврога тушган. Демак, пойтахтликлар икки йилда 7 миллион евро даромад кўрди.
Ўз навбатида, Аббосбек Файзуллаев “Истанбул Башакшеҳир” клуби тарихида энг қимматбаҳо трансфер соҳибига айланди.
Россия Премьер-лигасидаги навбатдаги қимматбаҳо трансфер қуйидагича кўриниш олди:
Келлвен – ЦСКАдан “Палмейрас”га, 6 миллион евро;
Виллиан Роша – ЦСКАдан “Ал-Жазира”га, 5 миллион евро;
Иван Сергеев – “Крилья Советов”дан “Динамо Москва”га, 3,8 миллион евро.
Эслатиб ўтамиз, Аббосбек Файзуллаев ЦСКА таркибида жами 72 та учрашувда иштирок этиб, рақиблар дарвозасини саккиз маротаба ишғол қилган ва жамоадошларига 22 та голли пас узатган.
Легионеримиз “армиячилар” сафидаги фаолияти давомида Россия кубоги ва Суперкубогини қўлга киритди. Шунингдек, Россия чемпионатининг бронза медали билан тақдирланди.
Ҳусанов борми? Гвардиола кимлар ўйнамаслигини айтди
Кутиб олинг, Ҳусанов келди!
Ўзбекистон кутилмаганда жаҳон чемпионати фаворитлари рўйхатига киритилди, фақат...
ЕЧЛ олдидан Ҳусанов ва 12 футболчи “хавф” остида!
Ҳусановни танқид қилишди: “Ўйламай ўйнаяпти!”