Роналдуни тўхтатиб бўлмаяпти

"Ан-Наср" ва Португалия терма жамоаси сардори Криштиану Роналду кетма-кет олтинчи ўйинда гол урди.

Ҳужумчи 8 сентябр куни терма жамоа сафида Шотландия билан ўйинда захирадан майдонга тушди ва 88-дақиқада ғалаба голини киритди - 2:1.

39 ёшли футболчи янги мавсумда "Ан-Наср" сафида тўртта ўйинда гол урган. Футболчи Саудия Арабистони лигасида "Ал-Фэйҳа" ва "Ал-Раэд"га, мамлакат Суперкубоги учун "Ал-Таавон" ва "Ал-Ҳилол"га қарши ўйинларда гол киритишга улгурди. УЕФА Миллатлар лигаси доирасидаги дастлабки Хорватияга қарши ўйинда ҳам португалиялик ўзининг 900-голини рақиб дарвозаси тўрига жойлаб қўйган эди.