Роналду қарорини бирдан ўзгартирди
- 14-феврал, 11:07
- Zohir Toshxo’jayev
- 0
- Футбол
Жаҳон футболида энг кўп гол урган Криштиану Роналду Саудия Арабистони Профессионал лигасининг 22-тур учрашувида “Ал-Фатеҳ” клуби билан бўладиган ўйинда иштирок этиш учун жамоага қўшилди.
Бу ҳақида журналист Фабрицио Романо X ижтимоий тармоғидаги саҳифасида хабар берди.
Бундан олдин португалиялик юлдуз “Ан-Наср”нинг учта учрашувида қатнашмаган эди. Бойкот туфайли у чемпионатдаги иккита ва Осиё Чемпионлар лигасидаги битта ўйинни ўтказиб юборган.
Роналду “Ан-Наср” сафида майдонга тушишдан бош тортиш орқали Саудия Арабистони Суверен жамғармаси (PIF) раҳбариятининг айрим маҳаллий клубларга нисбатан сиёсатига норозилик сифатида бойкот эълон қилган. Шунингдек, у жамоанинг айрим ходимларига маошлар кечиктирилаётганига ҳам шу йўл билан норозилик билдирган.