Роналду Пиолини жамоадан “қуритди”. Мутахассис энди Шомуродовга устозлик қилиши кутилмоқда
- 11-апрел 2025, 19:13
- Zohir Toshxo’jayev
- 0
- Футбол
“Ан-Наср”нинг италиялик бош мураббийи Стефано Пиоли саудияликларнинг ишончини қозона олмади. Машҳур мураббий жамоанинг асосий юлдузи Криштиану Роналду билан зиддиятга борганидан кейин ишини топширадиган бўлди.
Риёдликлар португалиялик юлдузни яна икки йиллик шартномага кўндирди. Ўз-ўзидан Роналду билан чиқиша олмаган мураббий клубда қолмайди.
“Ан-Наср” раҳбарияти Стефано Пиоли қўл остида жамоа кўрсатаётган натижалардан қониқиш ҳосил қилмагани ҳам италиялик мутахассиснинг клубдаги фаолиятига нуқта қўйилишига сабаб бўлмоқда.
La Repubblica нашрининг ёзишича, Пиоли Италияга қайтиб, “Рома”ни қабул қилиб олиши кутилмоқда. Маълумки, Клаудио Раньери Рим жамоасини инқироздан қутқарди ва келишувга кўра, энди бош мураббийлик курсисини тарк этиб, клуб хўжайинига спорт ишлари бўйича маслаҳатчи бўлади.
Норасмий маълумотларга қараганда, Пиоли “Ан-Наср”дан ҳар мавсум учун 12 миллион евро маош олади. Унинг шартномасида томонлар шу йилнинг июнь ойида ҳамкорликни муддатидан аввал тўхтатишини таъминловчи банд бор.