Роналду дўстини ўз жамоасига чорламоқда

Мадриднинг "Реал" клубида ўйнаган машҳур ҳимоячи Марсело фаолиятини Саудия Арабистони чемпионатида давом эттириши мумкин. "Relevo" нашри хабарига кўра, "Ан-Наср" бразилиялик эркин агент билан шартнома имзолашга қизиқмоқда. Томонлар дастлабки музокараларга киришди.

Ушбу трансферга Марселонинг "Реал"даги собиқ жамоадоши ва яқин дўсти Криштиану Роналдунинг шахсан ўзи қизиқмоқда. Айни дамда Марсело "Олимпиакос"ни тарк этгандан сўнг эркин агентга айланган.

34 ёшли жанубий америкалик футболчи жорий мавсумда Греция чемпионатида 10 та ўйин ўтказиб, 3 та гол урди.