Роналду "Барча даврларнинг энг яхши футболчиси" совринини қўлга киритди

"Ан-Наср" ҳужумчиси Криштиану Роналду Португалия лигаси тақдирлаш маросимида "Барча даврларнинг энг яхши футболчиси" совринини қўлга киритди. 

Футболчи Жаҳон футболи ривожига катта таъсир кўрсатгани ва унинг тарихида чуқур из қолдиргани учун соврин билан тақдирланди. 

Роналду тақдирлаш маросимида шахсан ўзи иштирок эта олмади ва видео орқали мурожаат қилди. 

"Фаолиятим давомида ушбу совринни қўлга киритишимда ёрдам берган барча жамоадошларимга раҳмат айтмоқчиман. Шунингдек, барча мураббийлар, яхшироқ бўлишимда ёрдам берган барчага ташаккур", - деди 40 ёшли футболчи.