Роналду “Ан-Наср”га бош кўтарди ва ўйинларни бойкот қилди
- 2-феврал, 06:40
- Zohir Toshxo’jayev
- 0
- Футбол
Жаҳон футболида энг кўп гол урган Криштиану Роналду фаолиятида катта муаммога дуч келди. Португалиялик ҳужумчи ҳозирги клуби “Ан-Наср”даги вазиятдан норози ва ўйинларда иштирок этишдан бош тортмоқда.
Бу ҳақида Португалиянинг A Bola нашри хабар берди.
Манба маълумотига кўра, Роналду “Ан-Наср”нинг Саудия Арабистони чемпионат доирасида “Ар-Риёд” жамоасига қарши ўтказадишан учрашувида майдонга тушмаслигини билдирган.
Криштиану Саудия Арабистони Давлат инвестиция жамғармаси (PIF) клубни қандай бошқараётганидан норози. Португалиялик футболчи, шунингдек, “Ан-Наср”га етарли даражада инвестиция киритилмаётганидан шикоят қилмоқда.
Роналдунинг фикрича, клуб раҳбарияти “Ан-Наср”га зарар етказмоқда, айниқса трансфер бозорида анча фаол бўлган “Ал-Ҳилол” билан солиштирганда бу масала яққол намоён бўлмоқда.
Беш карра “Олтин тўп” соҳиби 2023 йилнинг бошидан бери “Ан-Наср” сафида ўйнаб келмоқда. Унинг клуб билан тузган шартномаси 2027 йилнинг ярмигача амал қилади.