“Рома” ҳужумчисига суперклуб харидор

“Манчестер Юнайтед” римликлар ҳужумкор футболчиси Николо Дзаньоло учун курашга қўшилди, деб хабар тарқатди La Gazzetta dello Sport нашри.

Айни пайтда манчестерликлар ўйинчи атрофидаги вазиятни кузатиб бормоқда. “Рома” бу ўйинчини 50-60 миллион еврога баҳолаган.

Асосий харидор сифатида эътироф этилган “Ювентус” 23 ёшли ўйинчини олиш учун бир неча таклиф берди ва барига рад жавобини олди.

Дзаньолонинг ўзи кучлироқ клублардан бирига ўтишни истаяпти.

“Манчестер Юнайтед” туринликлардан фарқли равишда “Рома” Дзаньоло учун талаб қилаётган маблағни тўлашга қодир.

Дзаньоло ўтган мавсумда барча турнирларда 42 та ўйин ўтказиб, саккизта гол ва тўққиста ассистни амалга оширди.