“Рома” ҳужумчи талабини бажармайди!

“Рома” раҳбарияти жамоанинг универсал ҳужумчиси Николо Дзаньоло билан янги шартнома бўйича музокара олиб бормоқда.

Италия матбуотининг ёзишича, музокаралар барбод бўлиш арафасида турибди. Маълумотларга қараганда, клуб раҳбарияти 23 ёшли футболчига йилига 3,5 миллион евро маош тўлашни таклиф қилган. Бироқ, Николони бу сумма умуман қониқтирмаяпти.

Ёзда Дзаньолога “Ювентус” ва “Тоттенхэм”дан жиддий таклиф бўлганди. Конференциялар лигасидаги ғалабадан кейин италиялик ўйинчи Жозе Моуриньо қўл остида тўп тепишга қарор қилди.

Унинг амалдаги шартномаси 2024 йилнинг ёзигача давом этади. Агар келишув ёзгача узайтирилмаса, римликлар мавсум тугаши билан Дзаньолони сотиб юбориши керак бўлади.