"Рома" ғалаба қозонган баҳсда Шомуродовнинг ҳаракатлари қандай баҳоланди? (Фото)

Кеча А Серия 31-туридан ўрин олган "Сампдория" - "Рома" учрашуви бўлиб ўтди. Беллашувда Жозе Моуриньо шогирдлари 1:0 ҳисобида зафар қучди. Ягона гол 27-дақиқада Мхитарян томонидан киритилди. 

Ҳамюртимиз Элдор Шомуродов 81-дақиқада Тэмми Абрахамни алмаштирди. 

Статистика билан шуғулланувчи whoscored.com портали футболчиларга балл қўйди. Унда легионеримиз Шомуродов 6.3 баллга лойиқ кўрилди. Элдор захирадан майдонга тушган футболчилар орасидаги энг юқори баллни қўлга киритди.

Ғалабадан сўнг "бўрилар" ҳисобидаги очколари сонини 54 тага етказиб олган ҳолда, А Серия турнир жадвалида 5-ўринга юқорилади. 29 очкоси бор "Сампдория" 16-поғонани банд этган.