“Рома” футболчисини жаҳон чемпионатида кўрмаймиз

“Рома” ўнг қанот ҳимоячиси Рик Карсдорп Қатарда бўладиган жаҳон чемпионатига бормайдиган бўлди.

Нидерландия терма жамоаси бош мураббийи Луи Ван Гал 27 ёшли футболчини жаҳон чемпионатига жалб қилиниши мумкин бўлган футболчиларнинг кенгайтирилган таркибига киритилмади. Тажрибали мутахассис мундиалга тайёргарликни 39 нафар ўйинчи билан бошлайди ва якунда улар орасидан 23 та энг зўрини танлаб олади.

Рик Карсдорп бир ой олдин тиззасидаги жароҳатини операция қилдирган эди. Ҳимоячи ўйин амалиётисиз қолиб кетгани боис, терма жамоага чақиртирилмади.

Карсдорп 2017 йилдан бери “Рома” шарафини ҳимоя қилиб келмоқда. Бу мавсум у барча турнирларда олти маротаба майдонга тушди.