“Рома” финалга тайёрлангани йўқ!

“Рома” ҳимоячиси Жанлука Манчини А Сериянинг “Торино”га қарши учрашувидан кейин жамоасининг мавсумнинг энг муҳим учрашуви – Конференциялар лигаси финалига тайёргарлик бошланмаганини маълум қилди.

- Биз ҳали “Фейеноорд”ни ўрганиб чиққанимиз ҳам йўқ. “Торино”га қарши ўйин муҳимлиги учун бор эътиборимизни шу баҳсга қаратдик.

Ниделандияликларнинг Конференциялар лигасидаги бир неча ўйинларини кўриб чиққанимни яширмайман. Лекин якшанба кундан бошлаб, роттердамликлар жамоасини жиддий тарзда ўргана бошлаймиз, - деди Манчини.

“Рома” ва “Фейеноорд” ўртасидаги беллашув 25 май куни Албаниянинг Тирана шаҳрида бўлиб ўтади.