“Рома” фанатлари суперголдан кейин Шомуродов ҳақида нималар деяпти?
- 8-апрел 2025, 06:23
- Zohir Toshxo’jayev
- 3
- Футбол
Элдор Шомуродов “Ювентус”га қарши ўтказилган мураккаб ўйинда, захирадан майдонга тушиб супергол урди. Легионеримизнинг бу аниқ зарбаси орқали “Рома” Европа Чемпионлар лигаси йўлланмаси учун курашиш имкониятини сақлаб қолди.
Пойтахт клубининг ашаддий фанатлари клубнинг ижтимоий тармоқлардаги расмий саҳифаларида муҳокамани тўхтатаётгани йўқ.
Sports.uz портали римлик футбол ишқибозларининг Элдор Шомуродов ҳақидаги фикр-мулоҳазаларини ҳавола этишни маъқул топди.
Alessandro Muzi:
Элдор керак бўлган пайда доим ўз ўрнида, бизнинг ўзбекка гап йўқ!
David la Gamba:
Яхшиям Шомуродов бор экан...
Father and Son Football:
Раньери имкон берди, Элдор ишончни оқлади.
Mario Ianniccari:
40 миллион евро тўланган ўйинчидан 20 миллион евроли футболчи фойдали чиқиб қолди.
Elisabetta Abbrugia:
Шомуродов ёрдамга ҳар доим тайёр.
Luigi Stabile:
Элдор голлар қироли!
Emiliano Minnucci:
Шомуродовга умрбод давом этадиган шартнома беринг!
Massimiliano Fratocchi:
Шомуродовнинг имкониятларига ишонган кам сонли мухлисларданман. Мана ҳақиқий футболчи!
Piero Iegre:
Элдор майдонга тушиши билан борини бериб ўйнайди. Ҳужум уюштиради, ҳимояга қайтади...
Paolo Barabani:
Довбикка қараганда, Шомуродов яхшироқ. Бизнинг Клаудио Раньери Элдорнинг кераклигини фақат ютқазаётганимизда тушуниб етади.
Stefano Tordi:
Элдорнинг голи хурсанд қилди, иккинчи бўлимда яхши ўйнадик.
Stefano Pizzi:
Элдор “Рома” халоскори.
Michele Annucci:
Элдор жамоа учун муҳим фигурага айланмоқда, Довбик яхши ўйнай бошлади. Кўп нарса мана шу икки ҳужумчига боғлиқ.
Thomas Newkirk:
Раньери Шомуродовни қачон майдонга туширишни билади. Шунинг учун ҳам мухлислар бу мураббийни яхши кўради.
Wong Ricky:
Бу голдан кейин Шомуродовнинг номи туширилган “Рома” формасини сотиб оламан!
Gianluca Burchielli:
Жанговар дуранг, адолатли натижа. Энди икки ҳужумчи билан ўйнашга ўтиш керак. Элдор Шомуродовни бошланғич таркибда ўйнатадиган вақт келди. Унинг кетишига йўл қўймаслик керак.
Mersia De Cesare:
Элдор Шомуродов қийин пайтда майдонга тушди, гол урди ва “Рома”ни юқори ўринларда бўлишга лойиқлигини исботлади.
Paul Mathers:
Шомуродов кейинги ўйинни илк дақиқадан бошлашга лойиқ натижа кўрсатди. Бу дуранг унинг хизматлари самараси. Кураш давом этади...