Украиналик ҳужумчи Артём Довбикнинг ўйини “Рома”ни қониқтирмаяпти. Cалcиомерcато журналистларининг хабар беришича, Рим клуби раҳбарияти ҳужумчини сотиб, унинг ўрнига бошқа тўпурар футболчини харид қилишни режалаштирмоқда.
Манбага кўра, Довбикга даъвогарлар қаторида Миланинг “Интер” ва “Наполи” клублари ҳам бор. Ҳужумчининг эҳтимолий трансфер суммаси тахминан 25 миллион еврога баҳоланмоқда.
Жорий Италия чемпионати мавсумида украиналик футболчи 28 та ўйинда майдонга тушиб, 11 та гол урган ва 2 та голли узатма берган. Артёмнинг “Рома” билан тузган меҳнат шартномаси 2029-йилнинг июн охиригача амал қилади.
Эслатиб ўтамиз, 27 ёшли ҳужумчи 2024-йилнинг ёзида "Жирона"дан Рим клубига 30 миллион евро эвазига ўтган эди.
Изоҳлар (0)
Ҳозирча изоҳлар йўқ