Риберининг "Бавария" сафида урган сўнгги голи Бундеслигада мавсумнинг энг чиройли голи деб топилди

Шартномаси якунлангач “Бавария”дан кетган франциялик ярим ҳимоячи Франк Риберининг голи Бундеслигада мавсумнинг энг чиройли голи деб топилди. Бу ҳақда ташкилот расмий сайти хабар бермоқда.

Энг чиройли дея эътироф этилган голни 36 ёшли футболчи “Айнтрахт”га қарши (5:1) баҳсда киритган эди. Эътиборлиси, ушбу учрашув Рибери учун мюнхенликлар сафидаги сўнгги ўйин бўлди.

Маълумот учун, Рибери “Бавария” шарафини 2007 йилдан буён ҳимоя қилиб келаётган эди. У ўтган 12 йил давомиад немис гранди билан жами 22та соврин қўлга киритди.