Рэшфордга учта жиддий харидор чиқди
- 27-март, 18:32
- Zohir Toshxo’jayev
- 0
- Футбол
Жорий мавсумда ижара асосида “Барселона”да ўйнаётган “Манчестер Юнайтед” ҳужумчиси Маркус Рэшфорд бир нечта Европа топ-клублари қизиқиш доирасига тушган.
Италия чемпионатидан “Ювентус”, шунингдек Англия Премьер-лигаси вакилларидан “Арсенал” ва “Челси” англиялик тажрибали ҳужумчини қўлга киритишга ҳаракат қиляпти.
“Барселона” ҳам Маркусни ўз таркибида сақлаб қолмоқчи. Бироқ каталонияликлар молиявий ҳолатидан келиб чиқиб, манчестерликлар билан мавсум бошида келишилган 30 миллион еврони тўлай олмаяпти ва Рэшфордни келаси чемпионатда ҳам ижара асосида ўйнатишга қарор қилган.
“Манчестер Юнайтед” эса, 28 ёшли футболчини тўлиқ сотиб юбориш сиёсатини қўллаяпти.
Жорий мавсумда Испания Ла Лигасида Маркус 24 та ўйин ўтказиб, 4 та гол урди ва 6 та голли узатма берди.