Рэшфорд "Барселона"га ўтиш учун маошини камайтирмоқда

Маркус Рэшфорд "Барселона"га ўтишни хоҳлаяпти. Бу ҳақда "Mundo Deportivo" нашри маълум қилди.

Нашрнинг маълумотларига кўра, "Манчестер Юнайтед" ҳужумчиси Каталония клуби сафига қўшилиш учун маошини камайтиришга тайёр.

"Барса" бу маълумотни қабул қилди ва инглиз футболчисини олиб келиш учун улар Молиявий Фэйр-Плей қоидаларини ҳал қилишлари кераклигини тушунади.

Маълумот учун, жорий мавсумда Рэшфорд АПЛнинг 15 та ўйинида майдонга тушди ва 4 та гол урди. Трансфермаркт портали футболчини 55 миллион еврога баҳоламоқда.