"Реал"нинг собиқ ҳимоячиси Суперлига чемпиони билан шартнома имзолайди

Мадриднинг “Реал" клуби собиқ ҳимоячиси Фабиу Коэнтрау ўз кучини Греция Суперлигасида синаб кўришга қарор қилди.

A Bola нашри тарқатган хабарга кўра 31 ёшли португалиялик футболчи тез орада ПАОК клуби билан шартнома имзолайди. Таъкидлаш керакки, унинг "Риу Аве" билан амалдаги шартномаси якунланган ва у Греция чемпиони сафига эркин агент сифатида бориб қўшилади.

Маълумот учун, Коэнтрау 2011-2018 йилларда “Реал”да тўп сурган ва 106та ўйинда майдонга тушиб, ўз ҳисобига 1та гол ҳамда 11та голли узатма ёздириб қўйишга эришди. Унинг айни дамдаги трансфер нархи эса 2,5 млн еврога баҳоланмоқда.