“Реал”нинг икки юлдузи уришиб қолди

Мадриднинг “Реал” жамоаси кийиниш хонасида икки юлдуз футболчи ўртасида кескин тортишув юз берди. Бу воқеа Ла Лига доирасида “Леванте”га қарши яқинда бўлиб ўтган ўйин танаффусида содир бўлгани айтиляпти.

Жанжаллашган ўйинчилар кимлиги ошкор этилмаяпти. Маълум қилинишича, футболчилардан бири иккинчисига: “Сен гол урсанг ҳам, яхши ўйнаётганинг йўқ”, - деб дўқ урган.

Бу маълумотни журналист Хуанфре Сансга таяниб, The Touchline нашри келтирган.

“Реал” ва “Леванте” ўртасидаги учрашув 17 январда бўлиб ўтган эди. Ўша баҳснинг биринчи бўлимида дарвозалар дахлсизлиги сақланиб қолган. Аммо танаффусдан кейин  Мбаппенинг пенальтидан урган голи ва Рауль Асенсионинг аниқ зарбаси “Реал”га 2:0 ҳисобида ғалаба келтирган.