“Реал”ни ким бошқариб туриши ҳал бўлди

Испания кубоги финалида “Барселона”дан учралган мағлубиятдан кейин Карло Анчелотти клуб билан ҳамкорликни муддатидан аввал бекор қилишга қарор қилгани ҳақида хабарлар тарқатилмоқда.

Айни пайтда томонлар 2026 йилнинг ёзигача тузилган битимни тўхтатиш бўйича музокара олиб боряпти.

Ўз навбатида, “Реал” хўжайинлари 15 июндан бошлаганидан янги форматдаги клублар ўртасидаги жаҳон чемпионатида жамоани ким бошқаришини ҳал қилиши талаб этилади.

Ҳозирча, клуб ўз тизимидаги учта мураббийни танлади. Биринчи номзод клубнинг спорт ишлари бўйича директори ўринбосари Сантьяго Солари ҳисобланади. Шунингдек, бу вазифа “Кастилья” мураббийи Рауль Гонсалес ёки ўсмирлар жамоаси устози Альваро Арбелоага ҳам юклатилиши мумкин.