“Реал”га ўтма, биз билан қол!

Англиянинг амалдаги чемпиони “Ливерпуль” яқинда “Реал”дан таклиф олган марказий ҳимоячи Иброҳим Когатенинг жамоада қолишини истаяпти ва унга янги битим таклиф қилмоқчи.

Айни пайтда томонлар ҳамкорлик бўйича музокара бошлаган. Бу ҳақда журналист Экрем Конур Х ижтимоий тармоғида хабар берди.

Манба маълумотларига кўра, мерсисайдликлар франциялик футболчига “Реал”дан бошқа гранд клублар ҳам оғиз солаётганини инобатга олиб, у билан  келишувни имкони борича тезроқ якунлашни кўзлаяпти.

26 ёшли франциялик ҳимоячининг “Ливерпуль” билан амалдаги шартномаси 2026 йилнинг ёзида тугайди. Уни эркин агент мақомида бепул қўлга киритиш имконияти бошқа клубларнинг қизиқишини ошириб юборяпти.

Хусусан, “Реал” имкониятдан фойдаланиб, ҳимоячига 2031 йилнинг ёзигача мўлжалланган шартнома таклиф қилмоқда.