“Реал”дагилар, 80 миллион еврони олиб, суперюлдузни бизга жўнатинг!
- 4-май 2025, 09:34
- Zohir Toshxo’jayev
- 0
- Футбол
“Реал” ҳужумкор футболчиси Родриго Гоэс келаси мавсумни Англия Премьер-лигасида бошлаш имкониятига эга. Бразилиялик юлдузни АПЛнинг бир неча қудратли клублар ўз сафида кўришга қарши эмас.
Улар орасида “Манчестер Сити” фаворитга айланди. Рубен Аморим бошқараётган жамоа раҳбарияти Родриго учун 80 миллион евро тикишга тайёрлигини билдирган.
“Манчестер Юнайтед” хўжайинлари “Реал”га Килиан Мбаппе ва Жуд Беллингем келганидан кейин иккинчи планга ўтиб қолган 23 ёшли универсал ҳужумчини янги лойиҳанинг асосий фигурасига айлантиришни ваъда қилмоқда.
Рубен Аморим келаси мавсумда янги ҳужум учлигини ташкил қилиб, унга айнан Родриго етакчилик қилишини истаяпти.
Родригонинг ўзи Англия клубларидан қизиқиш бўлаётганидан хабардор. У келажаги ҳақида бир қарорга келишдан аввал, “Реал”га ёзда келадиган янги бош мураббий билан келажаги ва жамоадаги ўрни ҳақида гаплашиб олмоқчи.