“Реал”: Винисиус кетса, ўрнига 100 миллион евролик юлдуз келади
- 31-декабр 2025, 12:02
- Zohir Toshxo’jayev
- 0
- Футбол
“Реал” билан янги шартнома тузиш бўйича келиша олмаётган Винисиус Жуниор жорий мавсум якунланганидан кейин Мадрид шаҳрини тарк этиши мумкин.
“Қироллик клуби” ҳам кейинги мавсумларда танқидларга нишон бўлаётган ва мухлислар билан ораси бузилган юлдузни сотиб юборишга қарши эмас.
Мадридликлар унинг ўрнини боса оладиган футболчи ҳам топиб қўйди. Агар Винисиус келаси ёз бошқа клубга сотиб юборилса, “Реал” Европа Чемпионлар лигасининг амалдаги ғолиби ПСЖдан португалиялик плеймейкер Витиньяни харид қилади.
Cadena Ser нашри маълумотларига кўра, Винисиус 2027 йилнинг ёзида тугайдиган келишувни узайтирмаслик эҳтимоли ошиб боряпти. Мадридликлар уни 100 миллион евродан юқори нархда сотади.
Винисиуснинг трансферидан келадиган маблағ эса, Витиньянинг харидига йўналтирилади. Чунки ишончли манбалар португалиялик футболчи шартномасида 100 миллион евролик бадал миқдори кўрсатилган банд бор ва “Реал” уни активлаштиришни кўзлаган.
Витиньянинг парижликлар билан амалдаги меҳнат шартномаси 2029 йилнинг ярмигача мўлжалланган. Transfermarkt портали маълумотларига кўра, футболчининг бозор қиймати 110 миллион еврони ташкил этади.