“Реал” трансферни блоклади
- 1-август 2025, 09:40
- Zohir Toshxo’jayev
- 0
- Футбол
“Реал” мутасаддилари ёзги трансферлар даврида иқтидорли марказий ҳимоячи Диего Агуадонинг трансферини блоклашга қарор қилди.
18 ёшли футболчини “Боруссия Дортмунд” ўз сафига қўшиб олишга ҳаракат қилаётган эди. Бундан ташқари, Европанинг бир неча клублари ҳам Агуадога кўз тикаётганди.
Marca нашрининг маълум қилишича, янги бош мураббий Хаби Алонсо ёш ҳимоячини ўз назоратига олган. Испаниялик мутахассис Агуадонинг ўсишини шахсан кузатиб бормоқда.
Хаби Алонсо янги мавсум давомида Диегони биринчи жамоа ўйинларига секин-аста жалб этишни мўлжаллаётгани айтилмоқда. Диего Агуадо Мадрид клубининг асосий таркибида бир марта майдонга тушган холос.
Марказий ҳимоячининг мадридликлар билан амалдаги шартномаси 2029 йилнинг ярмигача давом этиши белгиланган. Transfermarkt портали экспертлари Агуадони бир миллион еврога баҳолаяпти.