"Реал" Мбаппега муқобил вариант топди

Мадриднинг “Реал” клуби ёзда ПСЖ ҳужумчиси Килиан Мбаппени жамоага олиб келмоқчи. Агар франциялик футболчининг трансфери амалга ошмаса, унга муқобил вариант топди.

"Todofichajes" нашри хабарига кўра, А Серияда ўтган мавсумнинг энг яхши тўпурари, ҳозирда "Наполи"да тўп сураётган Виктор Осимҳен "қаймоқранглилар" раҳбариятининг радарига тушган. Нигерияликнинг эҳтимолий трансфери испан грандига 120 миллион еврога тушиши мумкин.

Бу мавсумда ҳам Виктор ўзининг ўйини билан Неапол мухлисларини хурсанд қилишда давом этмоқда. 24 ёшли ҳужумчи Италия чемпионатида саккизта ўйинда олтита гол урди. Унинг Италия клуби билан шартномаси 2025 йилгача мўлжалланган.