"Реал Мадрид" меҳмонда "Леванте" устидан чиройли ғалабани қўлга киритди

Ла Лиганинг 6-туридан ўрин олган баҳс якунланди. "Реал Мадрид" меҳмонда "Леванте"ни 4:1 ҳисоби билан мағлуб этди. Учрашувда дастлаб қироллик клуби футболчиси Винисиус 28-дақиқада ҳисобни очди. Орадан 10 дақиқа ўтиб эса Мастантуона фарқни иккитага оширди.

Иккинчи таймни фаол бошлаган мезбонлар вакили Эйонг 54-дақиқада ҳисобни қисқартиришга муваффақ бўлди. Франциялик ҳужумчи Киллиан Мбаппе 64-дақиқада пенальтидан ва 66-дақиқада ўйиндан рақиб дарвозасини ишғол қилиб, дублни расмийлаштирди.

Ушбу ғалабадан сўнг мадридликларнинг жами очколари сони 18 тага етди.