Швециянинг “Эльфсборг” клуби дарвозабони Симон Эрикссон ўз иқтидори билан Мадриднинг “Реал” жамоаси скаутлари назарини ўзига қаратди.
Transfer News Live ва Defensa Central каби нуфузли нашрларнинг маълум қилишича, “Қироллик клуби” 19 ёшли голкиперни асосий дарвозабон Тибо Куртуага “идеал ўринбосар” сифатида кўриб чиқмоқда.
Шу билан бирга мадридликлар Эрикссонни олиш масаласида шошилмоқчи эмас. Клуб скаутлари дарвозабон фаолиятини кузатишда давом этади ва мавриди келганда уни трансфер қилиш масаласига ўтилади.
Симон Эрикссон Швеция чемпионатининг ўтган мавсумида “Эльфсборг” сафида 20 та ўйин ўтказиб, жами 30 та гол ўтказиб юборган. Transfermarkt мутахассислари дарвозабоннинг қийматини 500 минг евро деб баҳоламоқда.
Изоҳлар (0)
Ҳозирча изоҳлар йўқ