"Реал" Ҳакимини ортга қайтармоқчи

Ҳуқуқлари ПСЖга тегишли бўлган ўнг қанот ҳимоячиси Ашраф Ҳакими Испания чемпионатига қайтиши мумкин. "Todofichajes" нашри хабарига кўра, марокашлик футболчини "Реал Мадрид" ўз сафига қўшиб олмоқчи.

Ҳакими "қироллик клуби"да 2017 йилдан 2020 йилгача тўп сурган. Африкалик футболчининг парижликлар билан шартномаси 2026 йилнинг ўрталарига қадар тузилган. Унинг трансфер нархи 65 миллион еврога баҳоланмоқда.

24 ёшли футболчи Франция чемпионатининг жорий мавсумида тўққизта ўйинда майдонга тушиб, учта гол ва иккита голли узатмани амалга оширди.