"Реал" футболчиси А Серия клубига ўтишга розилик билдирди

"Фиорентина" клуби раҳбарияти "Реал" ҳимоячиси Альваро Одриосоланинг трансфер ҳқуқини сотиб олмоқчи, деб ёзмоқда журналист Николо Скира ўзининг Тwиттер саҳифасида.

Манбанинг хабарига кўра, 26 ёшли испаниялик футболчи А Серия клубида қолишга аллақачон розилик билдирган. Клублар ўртасидаги музокаралар эса шу йилнинг май ойи охирида бўлиб ўтиши кутилмоқда.

Альваро Одриосола жорий мавсум "Фиорентина"да ижарада ўйнамоқда. У клуб сафида 21 та ўйинда майдонга тушиб, 1 та гол ва битта голли узатмани амалга оширган. Унинг "Реал" билан шартномаси 2024 йилнинг ёзига қадар мўлжалланган.