“Реал” чемпион жамоа билан мураббий алишмоқчи

Испания ва Германиянинг амалдаги чемпионлари – “Реал” ва “Байер” ўзаро мураббий алиштириши мумкинлиги айтилмоқда.

Гап шундаки, Карло Анчелотти Саудия Арабистонида амалга оширилиши режалаштирилаётган катта лойиҳага қизиқиб қолган ва келаси ёз жамоадан кетиши мумкин.

Мадрид суперклуби мутасаддилари анчадан бери “Байер”да ишлаётган Хаби Алонсони олиб келишни кўзлаб юрибди.

Алонсонинг ўзи ҳам “Қироллик клуби”да ишлаш учун ўтган мавсумда ўзига келган барча таклифларга рад жавобини берган эди.

“Байер” испаниялик мураббийни қўйиб юборган тақдирда, “Реал” ёшлар жамоасини бошқараётган Рауль Леверкузенга келиши мумкинлиги айтилмоқда.