Ратиньо фаолиятини қаерда давом эттиради?

"Динамо" клубининг бразилиялик ярим ҳимоячиси Журани Фереира Ратиньо фаолиятини бошқа жамоада давом эттириши мумкин. Унга айни вақтда Суперлиганинг етакчи клубларидан жиддий таклифлар келиб тушди.

Мавсумни кўтаринки руҳда ўтказаётган "Динамо" эса келгуси мавсум ҳам бразилиялик футболчини таркибда сақлаб қолмоқчи ва унга 3 йиллик шартнома таклиф қилди. Футболчининг ўзи эса ҳали бир қарорга келгани йўқ.

Маълумот учун, 29 ёшли футболчи жорий мавсум Суперлиганинг 27 турида 26 баҳсда майдонга тушди ва барчасида тўлиқ 90 дақиқа ҳаракат қилиб, 3 та гол киритди ва 3 та голли узатмани амалга оширди.