Расмий хабар! "Насаф" Абдувоҳид Неъматов билан шартномани узайтирди

"Насаф" Абдувоҳид Неъматов билан шартномани узайтирди. Бу ҳақда "аждарлар" матбуоти хабар берди. 

"Насаф" футбол клуби моҳир дарвозабон Абдувоҳид Неъматов билан шартномани узайтирди. Абдувоҳид кейинги мавсумда ҳам жамоамиз дарвозасини қўриқлайди ва кўплаб совринларни қўлга киритишга ёрдам беради.

Ҳамкорликнинг узайтирилиши барчамиз учун самарали бўлади деган умиддамиз", - дейилади хабарда. 

Маълумот учун, 23 ёшли посбон ўтган мавсум Суперлигада 25 та ўйин ўтказиб, 16 та гол ўтказди ва 14 ўйинда дарвозаси дахлсизлигини сақлаб қолди.