Расман! Талиска "Фенербахче" футболчисига айланди

"Ан-Наср"нинг бразилиялик ҳужумчиси Талиска Туркияга кўчиб ўтди. Уни "Фенербахче" ўз сафига қўшиб олганини расман эълон қилмоқда. 

2021 йилдан бери риёдликлар таркибида ҳаракат қилиб келаётган футболчи истанбулликлар билан 1 йиллик шартнома имзолади. У бундан олдин Туркиянинг "Бешиктош" клубида тўп тепганди. 

Талиска "Ан-Наср"да 100 тадан кўпроқ ўйин ўтказиб, 76 та гол уришга муваффақ бўлди. Шу билан бирга, 10 та ассистни ҳам ўз номига ёздириб қўйган. 

Шундай қилиб 7 йиллик фаолиятидан сўнг 30 ёшли страйкер Осиёни тарк этмоқда...