Расман! Ўзбекистон U-17 терма жамоаси жаҳон чемпионати плей-офф босқичига йўл олди (фото)

Индонезияда ўтаётган 17 ёшгача бўлган футболчилар ўртасидаги жаҳон чемпионати гуруҳ босқич учрашувлари якунига етиб бормоқда. Бироз аввал Ўзбекистон U-17 терма жамоаси Испанияга қарши баҳс ўтказиб, камбек эвазига 2:2 ҳисобидаги дурангга имзо чекди. 

Ушбу дуранг эвазига ҳамюртларимиз 4 очко тўплашга муваффақ бўлди, аммо 3-ўрин билан чекланди. Энг яхши 3-ўринлар орасида эса термамиз 1-поғонада турибди. 

Бироқ "А" гуруҳида 3 ва 4-ўринни эгаллаб турган Индонезия ва Панама терма жамоалари 3-турда ғалаба қозона олмагач, Жамолиддин Раҳматуллаев шогирдлари 3-ўринни эгаллаган жамоалар орасида кучли тўртликда бўлиши аниқ бўлди.

Кейинги босқичда "C" ёки "D" гуруҳида 1-ўринни олган жамоа билан ўйин ўтказамиз. Ҳозирча "C" гуруҳида Англия, "D" гуруҳида эса Сенегал етакчилик қилиб турибди.