Расман: Диллиан Уайт ва Тайсон Фьюри жангига шартнома имзоланди, жанг санаси ва манзили ҳам маълум

WBC йўналиши бўйича оғир вазн тоифасидаги чемпионлик учун мажбурий даъвогар Диллиан Уайт (28-2, 19 КО) чемпион Тайсон Фьюри (31-0-1, 22 КО) билан жанг ўтказиш бўйича келишув имзолади.

“Улар қачон ва қаерда жанг қилишни хоҳласалар, менга барибир. Фьюри билан узоқ вақт учрашишга ҳаракат қилдим.

У билан жанг қилишга доим тайёр эдим. Мен ҳозир у билан жаҳон чемпионлиги учун курашмоқчиман”, - деди Уайт.

Боб Aрум аввалроқ Фьюри жанг ўтказиш учун шартнома имзолаганини маълум қилганди. Жанг 23 апрель куни Лондондаги "Уэмбли" аренасида бўлиб ўтиши мумкин.