Расман! "Бунёдкор" Мурод Холмуҳамедов ва 2 нафар легионер билан йил охиригача шартнома тузди

Бунёдкор 8 нафар янги футболчини ўз сафига қўшиб олди. Бу ҳақда ПФЛ бош директорининг спорт ишлари бўйича ўринбосари Диёр Имомхўжаев телеграмдаги саҳифасида маълум қилди.

Шартномаларнинг ҳаммаси 1 йилга мўлжалланган бўлиб, улар 2020 йилнинг декабрида ўз кучини йўқотади. Футболчиларнинг икки нафари Тожикистон ва Туркманистон фуқаролари ҳисобланади. Яна уч нафари эса йил сўнгига қадар ижара асосида Бунёдкор шарафини ҳимоя қилади. Қуйида футболчилар билан танишиб олишингиз мумкин. Қавс ичида шартноманинг тугаш муддатлари кўрсатилган, кейинги қаторда эса футболчининг қаердан келаётгани бор, олдинда ҳар бир футболчи тўп сурадиган футболка рақами.

Янги футболчилар:

4 Даврон Эргашев (2020, декабрь) Тожикистон
21 Ғулом-Ҳайдар Ғуломов (2020, декабрь) АГМК
24 Баҳодир Пардаев (2020, декабрь) Металлург
71 Сарвар Каримов (2020, декабрь) Қўқон-1912
77 Селим Нурмурадов (2020, декабрь) Туркманистон

Ижарадаги футболчилар:

22 Сардор Абдураимов (2020, декабрь) Машъал
70 Мурод Холмуҳамедов (2020, декабрь) Қўқон-1912
92 Ҳумоюн Муртазоев (2020, декабрь) Машъал

Шартномасини узайтирган футболчилар:

6 Анвар Ғофуров (2020, декабрь)
10 Хуршид Ғиёсов (2020, декабрь)
13 Лутфулла Тўраев (2020, декабрь)