Расман! “Барса” юлдузи бошқа жамоага ўтди
- 1-июл 2025, 17:28
- Zohir Toshxo’jayev
- 0
- Футбол
“Барселона” бош мураббийи Ханс-Дитер Флик ишончи ва эътиборини қозона олмаган Ансу Фати Каталониядан Францияга кўчиб ўтди.
Энди 22 ёшли истеъдод эгаси Лига 1 ўйинларида “Монако” жамоаси шарафини ҳимоя қилади.
Расмий маълумотга кўра, монаколиклар Фатини кейинчалик тўлиқ трансфер қилиш ҳуқуқи билан бир мавсумга ижарага олган. Янги мавсум охирида “Монако” вакилларида “Барселона” тарбияланувчисини 11 миллион еврога ўз сафига қўшиб олиш имкони берилади.
Ансу Фати “Барса”нинг энг зўр тарбияланувчиларидан бўлган. Лионель Месси клубдан кетганидан кейин айнан мана шу ўйинчи аргентиналик юлдузнинг вориси сифатида эътироф этилган ва унга 10-рақам тақдим этилган эди.
Бироқ кейинчалик бир неча бор оғир жароҳатларга дуч келган Ансу Фати юқори спорт формасига чиқа олмади. Ўтган мавсумда атиги 11 марта майдонга тушган ҳужумкор футболчи бирорта беллашувда ўзини кўрсата олгани йўқ.