Расман! "Аждарлар" кубокдаги ғалаба эвазига ОЧЛда тўғридан-тўғри иштирок этиш ҳуқуқини қўлга киритди

Ўзбекистон кубоги финалидан ўрин олган "Навбаҳор" - "Насаф" ўйини якунига етди. Асосий вақт 1:1 ҳисобида якунланди. Қўшимча таймларда эса номинал меҳмонлар 2:1 ҳисобида ғалаба қозонди. 

Шу тариқа, "аждарлар" келаси йил бўлиб ўтадиган Осиё чемпионлар лигаси гуруҳ босқичида тўғридан-тўғри иштирок этиш ҳуқуқини қўлга киритди. Агар клуб Суперлигада ҳам чемпионликни қўлга киритса, биринчиликда кумуш медалларини қўлга киритган жамоа кейинги йўлланмага эга чиқади. 

Маълумот ўрнида, Ўзбекистон учун ОФК томонидан 2+2 кўринишида квота ажратилган. Икки жамоамиз тўғридан-тўғри гуруҳ босқичида қатнашадиган бўлса, яна икки клубимиз саралаш босқичида ўз омадини синаб кўради.