Рафа Бенитесни яна АПЛда кўришимиз мумкин

Кеча Англиянинг "Лестер" клуби бош мураббий Брендан Рожерсни ишдан бўшатди. Ҳозирда жамоа янги бош мураббий вариантларини кўриб чиқмоқда.

Маълум бўлишича, "тулкилар" олдида асосий номзод Рафаэль Бенитес бўлиб турибди. У олдин ҳам АПЛнинг "Ливерпуль", "Ньюкасл" каби клубларини бошқарган. Шунингдек, Рафа ўз вақтида Мадриднинг "Реал" жамоасида ҳам фаолият олиб борган. 

Маълумот ўрнида, айни пайт "Лестер" АПЛ турнир жадвалида 25 очко билан 19-ўринни банд этиб турибди.