Қозоғистон. Легионерларимиз ҳаракат қилаётган жамоалар ўз ўйинини ўтказди (турнир жадвали)

Бугун Қозоғистон чемпионати 3-тур учрашувлари давом эттирилди. 

Жасур Жалолиддиновнинг "Қайрат"и ўз майдонида "Тараз"ни қабул қилиб, 1:1 ҳисобида дуранг ўйнади. Ҳисоб 59-дақиқада Канте томонидан очилди, орадан кўп ўтмай, Караман мувозанатни тиклади.

"Ордабаси" ўз майдонида "Акжайик"ни 2:0 ҳисобида енгди. Одилбек Абдумажидов ўйинни асосий таркибда бошлаб, тўлиқ ҳаракат қилди.

Шунингдек, "Тобол" ҳам ўз майдонида ишончли ҳисобда зафар қучди, 2:0. Игорь Сергеев 79-дақиқа ўйнади. Қуйида Қозоғистон чемпионати турнир жадвали билан танишинг.